Mondrako jokalariak, klubeko teknikoak eta baita presidentea ere, Arrasateko Herriko plazara gerturatu dira klubeko argazkiak ateratzera. 500 bat lagun elkartu dira hasierako talde guztien argazkirako, eta ostean taldeka banatu dira. Aurtengo denboraldirako, 32 talde aurkeztu ditu Mondrak, horietatik 12 futbol eskolakoak; 2015, 2014 eta 2013an jaiotako gazteak dira futbol eskolan parte hartzen dutenak, eta urte bakoitzeko lau talde daude: A, B, C eta D.
Gazteenak izan dira lehenengo talde argazkia atera dutenak, eta futbol eskolarekin amaitzean Alebin kategoriako taldeekin jarraitu dute. Alebineko hiru talde osatu ditu aurten klubak: txuria, morea eta errendimenduko alebinak, gainera berrikuntza bezala,nesken alebin taldea ere badu Mondrak aurten.
Infantilen txanda iritsi da ondoren, guztira sei talde ditu hemen, horietatik bi nesken taldeak dira, eta lau berriz mutilenak. Mutilen kasuan, Infantil Haundi, Infantil A, Infantil B eta Infantil Txiki taldeetan sailkatuta daude; nesken kasuan aldiz Infantil A eta Infantil B.
Kadeteak izan dira hurrengoak argazkian, kategoria honetan ere hainbat talde ditu futbol klubak; hiru mutilenak, A, B eta C taldeak; eta bi neskenak, A eta B taldeak. Juvenilak izan dira ondoren, hiru taldetan banatzen dira: A, B eta C taldeak. Nagusienekin amaitu dira argazkiak, Senior A eta Senior B taldeekin.