"Jorge Freytter Florián (semea) Kolonbiara itzuli zen, 17 urtez erbestean egon ondoren, Jorge Adolfo Freytter Romero (aita) irakasle, abokatu eta sindikalistaren hilketa ikertzeko. Aita Barranquillan bahitu zuten 2001eko abuztuaren 28an, eta egun bat geroago hilda aurkitu zuten, tortura zantzuekin. Haren hilketaren inguruabarrak eta arrazoiak argitu gabe daude oraindik, eta egia bilatzeak Kolonbiako historiaren alderik ilunenetara eramango gaitu", azaldu dute antolatzaileek. Hori da, hain zuzen, dokumentalak kontatzen duena.
Solasaldiari dagokionez, honako hauek hartuko dute parte: Julián Martínez Vallejo kazetaria (Hiru aldiz irabazi du Simón Bolívar kazetaritza-saria) eta María Alejandra Rojas Ordóñez (Kolonbiako Prozesu Sozial, Herrikoi eta Komunitarioen Koordinatzaile Nazionalaren ordezkaria).
