Mozart, Puccini edo Solozabal konpositore ezagunen ariak, umore ukitu handiarekin, batuko ditu Gala lirikoak. Josean Garcia zuzendari artistiko ezaguna du buru ekoizpenak, musika zuzendaria Arkaitz Mendoza izango da, eta Valen Moñux bergararra eszenografia eta atrezzoaren arduraduna.
Oholtzaren gainean
Gema Scabal sopranoa, David Baños tenorea eta Andres del Pino baritonoa arituko dira kantuan, nazioarteko lehen mailako abeslariak guztiak. Horiekin batera izango dira Estibaliz Arroyo, Jon Imanol Etxabe, Ekaitz Gonzalez de Urretxu, Koldo Torres, Jose Angel Otegi eta Aurora Telletxea, Sasibill konpainiako abeslari eta aktoreak, aurrez Amaia antzokian izandakoak.
Una noche en el teatro de la comedia azaroaren 26an estreinatuko dute Amaia antzokian, 19:00etan. Arrasate.eus atarian gainera, Kutxabank, Amaia antzokiko leihatilan eta Altuna Lurrindegian, daude, 20 eurotan, eskuragarri. Era berean, sarrerak eskuratzeko Ozenki elkarteak helbide elektroniko bat jarri du martxan: Ozenkielkartea@hotmail.es.