Arrasate Herri Eskolaren proiektu berria dela-eta Musakolako eraikina bota egin behar dute, hori horrela, hainbat urtez nerabe askoren bilgune izan den gaztetxokoan gaur, egubakoitza, arratsaldean egin dituzte azkeneko ekintzak.
Agur festa bat antolatu dute erabiltzaileek, hezitzaileek eta auzotarrek elkarrekin, festa giroan, Musakolako txokoa agurtzeko. Rebel Noise taldeko hiru kide ere han izan dira eta eurentzako "aterpe garrantzitsua" izan dela adierazita lau kantu eskaini dituzte segidan, formatu akustikoan. Ondoren, mokadutxoa egiteko aukera izan dute. Astelehenetik aurrera, auzoko lokal bat izango dute behin behineko aterpe, behin betiko egoitza berria aurkitu bitartean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
