Logrobasketek lehenengo laurdenean hirukoetan saskiratze oso onak lortu ditu eta partiduaren erritmoa ezarri dute. Atsedenaldira sentsazio hobeagoarekin joan dira arrasatearrak eta hirugarren laurdena oso ondo hasi dute. "Lau puntutara jartzea lortu dugu, baina, hortik aurrera partidua arrarotu egin da, epaileen erabaki batzuek partidutik kanporatu gaituzte eta gu ez gara egon prest mentalki maila mantentzeko", azaldu du kirol zuzendari Iñaki Ogaran Arrik –izan ere, Julen Berrocal entrenatzailea epaileak kanporatu egin du eta Arrik hartu behar izan du taldearen gidaritza–.
Logrobasketek tiro libre asko izan ditu eta 10 puntu aurretik ipini dira hirugarren laurdenean. Arrasatearrek ez dute frustrazio hori kudeatzen jakin. "Logrobasketek merezitako garaipena eskuratu du eta guk ikasi behar dugu momentu horietan pazientzia gehiago edukitzen eta mentalki gogorragoak izaten", erantsi du Arrik.