2023an Suediako Akademiak Jon Fosse idazle norvegiarrari eman dio Nobel Saria, eta Jokin Zaitegi sariketaren helburua idazle horren Trilogien eleberria itzultzea da. Maitagarriak protagonista dituen hiru eleberri laburrez osatutako liburua da.
Santi Leonek, Gema Lopez Las Heras eta Juan Mari Mendizabalek osatutako epaimahaiak, jasotako itzulpenak aztertu eta haietako bat izendatuko du irabazle 2024ko urtarrila amaitu baino lehen. Urte bereko irailaren 30 baino lehen entregatu beharko da itzulpena Elkar argitaletxean. Irabazleak 4.000 euro jasoko ditu saritan.
Lanak, AEDra
Liburu hori itzultzeko gogoa eta gaitasuna dituen edonork har dezake parte lehiaketa honetan. Egindako lana AED Elkartera bidali behar da abenduaren 31 baino lehen. Hain justu ere, aed@aedelkartea.eus helbidera.