Ekimen hori gauzatzeko, Udalak Projekta Urbes enpresako arkitektoekin lan egingo du, eta horiek hiri-diseinuan eta espazio publikoaren plangintzan duten esperientzia eta ezagutzak emango dituzte.
Hilaren 19an, eguena, egingo dituzten saioetan Gudarien plazako erabiltzaileen, eta oro har, herritarren iritziak, ideiak eta proposamenak jaso gura dituzte. Herritarrek aukera izango dute beraien beharrak eta nahiak zeintzuk diren adierazteko. "Asmo kolektiboak islatuko dituen proiektu bat" garatu gura du Udalak, herritarren babesarekin.
