Maider Morras Arrasateko alkateak eta Jasone Giraldo Ongizate zinegotziak egin die harrera Atzegiko, desgaitasun intelektuala duten pertsonen aldeko Gipuzkoako elkarteko, kideei Arrasateko udaletxean. Elkarteak kanpaina honekin erakutsi nahi du "adimen desgaitasuna duten pertsonak prest daudela lan mundura sartzeko", eta bertako kideek aitortu dute "enplegu publikoko plaza bat lortzea aukera paregabea" dela haien lanerako gaitasunak "gizartean ikusarazteko".
Atzegiko kideek adierazi dute legez enplegu pulikoko plazen %2a adimen desgaitasuna dute pertsonentzat gordeta egon beharko liratekeela, baina "gaur egun oraindik ezezaguna" dela jende askorentzat. Hala ere, nabarmendu nahi izan dute "azken urteotan gauzak aldatzen ari direla eta administrazio batzuk eskubide hori egi bihurtzen ari direla". Hori jakinda, elkarteak nahi du beste administrazio batzuk animatzea bide bera jarraitzera, eta aitortu dute prest daudela "arlo horretan aurrerapausoa eman nahi duen edozein administraziori laguntzeko eta aholkuak emateko".
