Bermut festa batekin eta Egoitz Villena El Bille musikariaren eta haren lagun gitarra jotzaile baten zuzeneko musika emanaldiarekin ospatu dute Arrasateko Aldai kalean duten bulegoaren irekieraren bosgarren urteurrena Ezker Anitza-IUk eta PCE-EPK-k. Juan Luis Merinok, Debagoieneko eta Urola Garaiko asanbladako koordinatzaileak, hartu du hitza jaialdiaren hasieran eta berak eman die ongietorria bertaratutakoei, Isabel Salud Ezker Anitza-IUko koordinatzaile nagusia tartean.
Elkartean bertan, hain zuzen ere, hitzaldia egingo dute astelehenean, urriaren 9an: Argentina: movimiento popular y cooperacion medica de Cuba. Ernesto Che Guevara Oftamologia Zentroko koordinatzaile den Javier Motta Guzman izango da hizlaria, eta Milagro Operazioa misio internazionalistaren esperientzian oinarritutako argazki erakusketa ere egingo da aldi berean, 19:00etan.
