Bermut festa batekin hasiko dute jaia, eta Egoitz Villena El Bille musikaria arduratuko da zuzeneko musikaz, Iker gitarristarekin batera. Hala, Juan Luis Merino Debagoieneko eta Urola Garaiko asanbladako koordinatzaileak parte hartzeko gonbidapena egin die herritarrei eta inguruko elkarteekin. Are gehiago, nabarmendu du ekitaldian izango dela Isabel Salud Ezker Anitza-IUko koordinatzaile nagusia ere.
Astelehenean, hitzaldia
Ekintzak, ordea, beste egun batez luzatuko dira, Argentina: movimiento popular y cooperacion medica de Cuba hitzaldia egongo baita astelehenean. Ernesto Che Guevara Oftamologia Zentroko koordinatzaile den Javier Motta Guzman izango da hizlaria, eta Milagro Operazioa misio internazionalistaren esperientzian oinarritutako argazki erakusketa ere egingo da aldi berean. 19:00etan izango da, Ezker Kultur Gunean.