Ion Etxeberria Ikerlaneko zuzendari nagusiak doktoregaien lana eta ahalegina azpimarratu du, tesien emaitzek Ikerlanentzat, inguruko enpresentzat eta gizartearentzat izan dezaketen garrantzia azpimarratuta. "Doktoretza gurekin egiten duten ikertzaileei esker, etengabe berritzen eta indartzen gara".
Bilbao Ekintza udal-sozietatearekin lankidetzan egin du jardunaldia Ikerlanek, Bilboko Zabalguneko eraikineko instalazioetan, zentro teknologikoak hirugarren egoitza inauguratu baitzuen urte hasieran. Hala, horrek Bilboko Udalean duen eragina nabarmendu du Javier Garcinuño Bilbao Ekintzako zuzendari nagusiak. "Garrantzia handikoa da lana, hiria talentuz hornitzeko estrategiarekin bat egiten baitu, eta hori guztia enpresa-arloarekin lotuta, prestakuntza-rola indartuz".
