Arrasateko San Juan de Dios ospitaleko terapia okupazionaleko erabiltzaileek urtean zehar helburu solidario batekin sortutako objektuak izango dituzte salgai azokan, eta modu horretan, "buruko gaixotasunen estigma sozialarekin hautsi" nahi dute, egoerak ikusaraziz eta normalizatuz. Hori dela eta, herritarrei bertaratzeko gonbidapena luzatu diete.
Bildutako diruari dagokionez, Juan Ciudad Fundazioak Quiton duen proiektu batera bideratuko da, ospitale psikiatrikoko terapia okupazionaleko sailak duen baratza terapiaren programan erabili ahal izateko.