Atzo egindako lehen topaketa mistoan, gizonezkoen lantaldea osatu zuten, guztiaz hausnartzeko, eta, ondoren, helburua da eraikita dauden lantaldeetan integratzea. "Deialdi arrakastatsua izan zen atzokoa", nabarmendu dute Arrasateko Denon Bizitzak Erdigunean taldeko kideek.
"Orain artekoak emakumezkoonak izan direnez eta gizonezkoak batzean hemendik eta greba eguna bitartean gelditzen diren urratsak elkarlanean emateko, orain arte egindakoak errepasatu genituen. Ondoren, aurretik lanean dauden lantaldeetan jarri eta bakoitzak bere helburuei heldu zien", azaldu dute.
Hurrengo asanblada mistoa urriaren 18an, asteazkena, egingo dute, Etxaluzeko Solozar gelan, 18:30ean. "Herritar guztiei zabaltzen diegu parte hartzeko deia".