Ikerlanen arabera, ingeniaritzaren eremu bat da bateragarritasun elektromagnetikoa, eta "ekipamenduen arteko akoplamendu elektromagnetikoen ondorio negatiboak nola kontrolatu, gutxitu, ezabatu eta prebenitu" aztertzen du. Bada, hori gogoan egin dute Ikerlaneko Elektronika, Informazio eta Komunikazio Teknologikoen taldeko EMC Electromagnetic Compatibility lantaldeko kideek saritua izan den ikerketa, helburu batekin. "Funtzionalitate elektrikoak, elektronikoak eta inguruarekiko komunikazioak dituzten ekipo eta sistemen segurtasuna, eraginkortasuna eta erabilgarritasuna handitzen lagunduko die industria fabrikatzaileei".
Lehen aldia du Ikerlanek
Rafael Suarez Ikerlaneko ikertzaileak azaldu duenez, Ikerlanek lehen aldiz aurkeztu du artikulu bat kongresu honetan. "Arlo horretan mundu osoan ditugu ezagutzak kontrastatu nahi ditugu, eta gure gaitasunak eta ezagutzak arlo horretako adituen aurrean erakutsi nahi ditugu". Haren arabera, euren artikulua aukeratu dutenek gai horrekiko duten garrantzia eta interesa dute. "Horrek aukera emango digu munduko erreferente gisa kokatzeko EMC arloan garatzen dugun ikerketa lerroan".
