Mondragon Unibertsitatea Industrial Sustainable Entrepreneurship Awards izenpean banatuko dira 15.000 euroko sei sariak, eta 11 hilabeteko epea izango dute. Laguntza eta aholkularitza zerbitzua ere eskainiko da, eta baita proiektuak garatzeko gune fisiko bat ere. Urriaren 15a baino lehenago aurkeztu beharko dira proiektuak, banaka edo taldeka, eta urriaren 16ko astean jakinaraziko dira finalistak. Finala, berriz, Garaia parke teknologikoan egingo da, astebetera.
Hala ere, xehetasun gehiago nahi izan ezkero, bi informazio saio antolatu dituzte. Hilaren 26an izango da lehena, 15:00etan; bigarrena, berriz, 28an, 17:00etan. Online egingo dira.
