Domeka eguerdian, esaterako, puzgarri eta aurpegi marrazketatik aparte, ekintza interesgarrietan parte hartzeko aukera ere izan zuten, musikaz alaituta. Besteak beste, 3D inprimaketa erakusketa egin zuten, eta 3D inprimagailua martxan ikusteko aukera izan zuten auzotarrek galderak egiteko aukerarekin. Hain zuzen inprimagailu horrrekin inprimatutako 3D puzzleekin eta buru-hausgarri jolasekin aritzeko aukera ere izan zuten. "Oso dibertigarria eta diferentea den ekintza PuzzleKaxa.eus-en eskutik", azaldu dute auzotarrek. "Oso interesgarria da ikustea ohiko jarduerek nola jolas modernoagoei bide ematen dieten espiritu tradizional hori mantenduz baina teknologia uztartuz. 3D teknologia erabiltzeko zer ikasi behar duten galdetzeko aukera izan zuten handik pasa ziren adin ezberdinetako haur eta helduek, baita argazki politak ateratzeko ere. Dibertsioa eta formakuntza eskutik helduta joan ziren atzo Erguin auzoko festan. Antolakuntza ezin hobea jai batzordetik", gaineratu dute.
