Mondraueko Dragoiak Scooter Taldeko kideak egubakoitzean hasiko dira motorrak berotzen. Hala, 20:00etan, Hankaz Gora taldearen kontzertua egongo da Irati tabernan eta 22:00etan, aldiz, Punky Reggae Party festa hasiko dute.
Zapatuan izango da egun handia. Izan ere, 11:00etan hasita, 80 bat eskuter batuko dira Herriko Plazan, eta 12:00etan ohiko irteera egingo dute. Gero, 14:30ean, Larrinetxe jatetxean izango dute bazkaria eta 20:30ean Punky Reggae Party egongo da DAT tabernan, hainbat DJrekin.
Izen-emateari dagokionez, bihar arte egongo da aurrez izena emateko aukera eta egunean bertan ere bai. Horretarako, goian ageri den Laboral Kutxako kontu korrontean 55 euroko ordainketa egin beharko da aurrez egin ezkero eta, egunean bertan, 60 eurokoa.
