Monica Duranek 15 urte baino gehiagoko esperientzia du agertokietan, estatuan oihartzuna duten hainbat proiektutan lider eta abeslari izanik eta gainera, Arabako Joyful Gospel Choir bezalako gospeletan ahots bakarlari nagusi ere bada. "Horrez gain, abeslari polifazetiko hau, goi-mailako ikasketen azken txanpan murgilduta dago, CSMNko jazz-interpretatzaile gisa", diote Ibai-arteko kideek.
Gaur egun, estilo honen inguruan egiten du lan, eta horri esker, Gasteizko Jazzaldian edo Arrasate Bluesen aritu da. "Aipatzekoa da Monicak Arrasate Bluesen aurten egin duen emanaldia berezienetako bat izan zela, bai publikoarentzat eta baita antolatzaileentzat ere eta ondorioz, gustukoenetariko bat".
Egueeko emanaldirako, gainera, musikari eta lagun handiekin dator arrasatearra: Elsa Lizundia (saxoa), Nerea Arrieta (pianoa), David Martínez (kontrabaxua) eta Pablo Barrios (bateria).