"Maila guztietan gizonezkoen eta emakumezkoen talde bat" izatea nahi izaten dutela dio Herrerok, baina urtero "zailtasunak" izaten dituzte taldeak eratzerakoan. Aurten ere "egoera berdinean" daudela aitortu du eta, ondorioz, "gazteenei eskubaloian jokatzeko gonbita" luzatu gura izan dute klubeko kideek.
Bereziki, 2007 eta 2011 urteen bitartean jaiotako gazteei luzatu nahi izan die eskubaloian jokatzeko deia, adin tarte horretan baitaukate taldeak eratzeko zailtasunik handienak: "Maila batzuetan jokalariz labur gelditzen gara, baina espero dugu talde guztiak eratu ahal izatea".