Hasiera ikusgarria izan dute beste behin Arrasateko Elmako jaiek. Izan ere, tirolina bidez jaitsi da saguzarra agertokira, eta jaiek eztanda koloretsua izan dute. Txalapartaren doinuak ere izan dira, eta, gainera, gaztetxoek, euskal musika-tresna probatzeko aukera izan dute.
Ondoren, Go!azen telesaileko artistek dantzan eta kantuan jarri dituzte gazte eta helduak, eta gaua Markel Goikolea DJ arrasatearraren erritmora luzatu da.
Zapatuan, EH Sukarraren emanaldia egongo da, eta domekan, erraldoien kalejira eta Txan magoaren ikuskizuna izango dira plater nagusiak.
