Arrasateko Trikitilari Eskolak eta Ibai Artek zazpigarren urtez antolatu dute Hauspo Eguna, ikasturteari hasiera eman eta herriko trikitilariek egiten duten lana erakusteko. Atzo, egubakoitza, Kulturolatik Herriko plazara arteko kalejira, Trikigin lehiaketa eta Xabi Solanoren kontzertua izan zituzten. "Beste urtebetez irten gara kalera eskolaren berri herriari emateko; gure ateak herritar guztiei daude zabalik, parez-pare", adierazi du eskolako zuzendari Maixa Lizarribarrek.
Hain zuzen ere, aurten zazpigarren edizioa bizi duen Trikigin lehiaketa bada eskolak duen berrasmatzeko grinaren ondorio. Atzokoan Arrasateko bost taberna izan ziren lehiaketan parte hartu zutenak: Irati, Belun, Dublin, 1990 eta Kajoi. Kajoi tabernakoa izan zen lehiaketako irabazlea.
Eta, eguna borobiltzeko, Xabi Solano eta DZ-k kontzertua eskaini zuten Portaloian, Monte tabernaren kanpoaldean; orduan elkartu zen jende gehien, Euskal Herriko trikitilaririk ospetsuenaren zuzenekoa jarraitzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.