Elkartea sortu zela 40 urte betetzen diren honetan, urteurrenarekin lotutako materiala du salgai AEDk. Umeen kamisetak (10 euro), helduen kamisetak (15 euro), poltsak (5 euro) eta botilak (10 euro) atera dituzte. Materiala AEDren bulegoan zein horretarako propio ahalbidetutako estekaren bitartez eskura daiteke.
Horrekin batera, salmenta postuak jarriko dituzte Portaloian iraileko eguenetan eta egubakoitzetan, 18:00etatik 20:00etara. Hainbat auzotako jaietan ere izango dira. Elmako jaietan, gaur 18:00etatik 20:00etara eta domekan 12:00etatik 14:00etara. Hilaren 15ean, berriz, Erguineko Usaetxe plazan.