Batetik, antzerki eskolako izen-ematea zabaldu dute. 2023- 2024 ikasturtean antzerkiaren nondik norakoak ezagutu nahi dituenak eta taula gaineko xarmaz gozatu nahi duenak aukera izango du Doke taldearekin. 8 urtetik 17 urtera bitartekoendako ikastaroa izango dute, irailetik ekainera bitartean emango dutena; gainera, helduendako ikastaro trinkoak izango dituzte urtean zehar. Informazio gehiago jasotzeko eta izena emateko, dokeikastaroak@gmail.com helbidean izango dute aukera.
Bestetik, helduendako interpretazio ikastaroa izango dute Amaia Lizarralde aktorearekin. Chejov teknikaren hastapenak eskainiko ditu Lizarraldek. Kulturolan izango da ikastaroa, 10:00etatik 14:00etara bitartean: urriaren 21ean eta 28an; azaroaren 4an, 11n, 18an eta 25ean; eta, abenduaren 2an eta 16an. Izena emateko idatzi behar da dokeikastaroak@gmail.com helbide elektronikora.
