Villabonako Behar Zana frontoian jokatutako Antton Pebet Memoriala irabazi du gaur arratsaldean Ander Muruak Aratz Irazustabarrenarekin batera. Finalean Axier Arteaga eta Carmelo Loza baino gehiago izan dira, eta azkenerako 22 eta 14 irabazi dute finala. Gainera, pilotari arrasatearrak erakutsitako maila saritu nahi izan dute, eta pilotari onenaren saria jaso du Muruak.
Hasiera batean Uriondorekin batera osatu behar zuen bikotea arrasatearrak, baina finala jokatzerik izan ez duenez, Aratz Irazustabarrena izan du bidelagun.
Lehia estu joan da, eta hasieran Arteaga eta Lozak aurrea hartu arren, lehen atsedenaldira irabazten joan dira Murua eta Irazustabarrena (5-9). Neurketak aurrera joan ahala, arrasatearrak aldea haunditu du, eta azkenean 14-22 nagusitu dira Murua eta Irazustabarrena.
