Lehenik eta behin, Udalak doluminak eta elkartasuna adierazi dizkie Arrasaten hil den langilearen familiari, lagunei eta lankideei. "Kolpe gogorra izan da herritarrentzat, eta bereziki langileriarentzat". Hala, langile ororen lan osasuna eta bizitza egoera guztietan babesteko beharrezko neurri guztiak hartzea "oinarrizko baldintzatzat" jo du. "Norabide horretan, gertaera hau nola eman zen aztertzen ari gara".
Uztailaren 20an, Etxe Txikietako obran lanean zegoen langile bat gaizki sentitu eta, Debagoieneko Ospitalera eraman ondoren, bihotzekoak emanda zendu zen. "Lan-ezbehar hau salatu eta familia eta lankideekiko elkartasuna adierazteko ekimenetara atxikitzen gara", azaldu du Udalak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak