La gota del agua dokumentala proiektatuko da Irati tabernan, hilaren 25ean, 18:30ean. Ondoren, Carlos Aznarezen eskutik, Cuba revolucionaria y las nuevas rebeldias latinoamericanas izeneko hitzaldia egongo da. Hurrengo egunean, uztailaren 26an, elkarretaratzea deitu dute 18:30ean. "Kubak pairatzen duen blokeo inperialista eta kapitalista salatzeko kontzentrazioa izango da (…) Internazionalismoa borroka politikoa da. Horregatik, uztailaren 26a gogoratzeko eguna izan behar da, internazionalista guztiontzako".
Antolatzaileen esanetan, uztailaren 26a "egun berezia" da inperialismoaren aurkako borroka politikoan: "Egun horretan Kubako Iraultzaren lehen urratsa ospatzen da. 1953ko uztailaren 26an ez zen helburua lortu; hots, Kuban iraultza sozialista eta antiinperialista lortzea, baina etorkizuneko iraultzaren lehen urratsa izan zen. Egun horretan inperialismoaren aurkako jarrera indartu zen, beranduago loratuko zen hazia bihurtuz".