Era horretan, elkarteko kideek helburu dute Jose Maria Arizmendiarrietaren ondarea jasota gelditzea, eta, gainera, mundura zabaldu ahal izatea. "Arizmendiarrietaren pentsamenduaren balioak enpresan eta gizartean aplikatzea bultzatzeko dugun helburuaren ildotik, Hazia-ren helburua zen bertaratutakoei musika ikuskizun eszeniko bat eskaintzea, haren pentsamendua, balioak eta ideia sozialak; hain justu, kooperatiben mundua garatzeko hainbeste fruitu eman zituen hazia hizpide izanda", adierazi dute elkarteko kideek.
Musikalaren sei emanaldi egin dituzte, eta horrek sortutako "zapore onaren" ondoren erabaki dute sortaren aldeko hautua egitea. Hala, interesa duenak, 40 euroren truke eskuratu dezake. Horretarako, amigos.jma.lagunak@mondragon.edu helbidera bidali daiteke mezu bat, edo 674 041 590 telefono zenbakira deitu.
