Horretarako, "modu seguruan kozinatzeko" indukzio-plaka bat aurkeztuko dute, adineko pertsonentzat ez ezik, ikusmen murriztua izan dezaketen pertsonentzat baliagarria izan daitekeelakoan. Are gehiago, nabarmendu dute gailuak pertsona horien autonomian eta askatasunean eragin dezakeela.
Proiektu hau gogoan izanda, beraz, aurkezpena egingo du Arrasateko Nagusien Kontseiluak. Uztailaren 19an izango da, eguaztena, 10:00etan, Arrasateko Danobat elkartean. Ondoren, Retina Gipuzkoa Begisare elkarteko Itsaso Nuinek Ikusmen murriztuko pertsonak hitzaldia emango du.
Irekia izango da aurkezpena, baina aurrez izena eman behar da ankontseilu@gmail.com helbidera mezu bat bidalita.
