Gaur goizaldeko 03:00etan Arrasateko alde zaharreko taberna batean izandako erasoa gaitzetsi dute Arrasateko Udal talde guztiek. Komunikabidetara bidalitako oharrean zera adierazi dute: "Indarkeria gertaera hauek oso larriak dira eta irmoki arbuiatu eta salatzen ditugu gisa honetako jarrerak. Gatazka eta arazoak kudeatzeko indarkeria bidezko jarrerak ekidin eta herritarren bizikidetza eta kohesioa indartzeko prebentzio sozial eta komunitarioa sustatzea da erakundeon ardura, eragile eta herritarrekin elkarlanean. Bizikidetzan eta errespetuan oinarritutako herri eta jai eredua defendatzen dugu eta arrasatearrek behar eta merezi duten Arrasateren alde lanean jarraituko dugu. Gogoratu nahi dugu jaietan, urteko gainerako egun guztietan bezala, edozein eraso eta diskriminazioren aurkako jarrera funtsezkoa dela elkarbizitzarako. Zaindu dezagun elkar".
Lau labankada jasota eraman dute gizonezko bat goizaldean ospitalera
Ertzaintza goizaldeko 03:00etan Arrasateko alde zaharrean gertatutako erasoa ikertzen dabil, gizonezko bat lau labankada jasota eraman dute-eta ospitalera. Berehala bertaratu dira udaltzainak eta ertzainak: "Zabalik dugu ikerketa eta erasotzaileak identifikatzen saiatzen ari gara. Zorionez erasotuak ez ditu zauri larriak", adierazi dute Ertzaintzatik. Arrasateko Udal talde guztiek gaitzetsi dute erasoa, ohar bidez.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
