Hezkuntza feminista baterantz hitzaldiak eman zion hasiera egunari. Jule Goikoetxea eta Iñigo Etxezarreta izan ziren hizlariak, eta hezkuntza sistemaren gaur egungo analisi bat egiteko balio izan zien bertaratutakoei. "Ikuspegi zabal bat eman ziguten, nondik norakoak azaldu zizkiguten-eta; hurrengo urteetako problematika nagusiez ere jardun zuten, eta lagundu ziguten hausnartzen nolako hezkuntza feminista nahiko genukeen gizartean".
Azaldu dutenez, elkar ezagutzeko aukera izan zuten jardunaldietan, eta baita ondorengo espazio informaletan ere. Trikipoteoa eta bazkaria egin baitzituzten ostean, eta baita Aiert Alberdiren musika emanaldia ere. Bafle-poteoa ere egin zuten, eta, jaialdiari itxiera emateko, kontzertuak izan ziren gaztetxean.
Hala, antolatzaileek nabarmendu dute egunaren balorazio "ona" egiten dutela. "Ikasle asko plazaratu ziren Arrasatera Hego Euskal Herriko toki ezberdinetatik, eta gure artean sartzeko eta ondo pasatzeko balio izan zigun".
