1970eko ekainaren 17an izan zen Zamalahko altxamendua. "Ordura arte ezkutuan egon zen borroka, azalera atera zen. Saharako komunitatearentzako egun garrantzitsua da hori eta horregatik ekartzen dugu urtero gogora, gure herrialdearen independentzia aldarrikatzeko eta Espainiako Gobernuak duen gure aurkako jarrera salatzeko", azaldu du Arrasateko Sahara elkarteko Asria Gacem Mohamedek.
Saharako banderak eskuetan hartuta ekitaldi xumea egin dute, Biteri plazan, Zamalahko altxamendua eta historiako beste pasarte batzuk gogora ekarrita. Ondoren, opariak banatu dituzte aurten, estreinakoz, Arrasateko Sahararren komunitateak egin duen arabiar hizkuntza eta Saharako kultura eskolak jaso dituzten haurren artean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.