170 bat ibilgailu elkartu dira Arruena parkean eta, eguraldi kaxkarra kontuan hartuta, "oso pozik" azaldu dira antolatzaileak. Auto aipagarrienak honako hauek izan dira: Chevrolet Corvette, Gran Torino, Dodge viper eta Escort mk1. Goiena Classic Clubeko presidente Kaiet Martinek azaldu duenez, beste elkarte batzuen topagune bilakatu da Arrasatekoa, hala nola, Club corrado edota Ford fiesta/escort. "Eta inguruko beste kluben bisitak ere izan ditugu, Araba Classic Club, esaterako. Auto dezente etorri dira", gaineratu du.
Azkenik, presidenteak nabarmendu du Sanprubusak ere "oso harrera ona" izan duela.