AEDren 40. urteurrena dela eta, materiala saltzen hasiko dira bihar, zapatu, 11:00etan, Seber Altube Plazan (euria balitz, Biterin). Heldu zein umeentzako kamiseta teknikoak, poltsak eta ur-botilak izango dituzte salgai. "Gerturatu, Arrasate euskalduntzen jarraitzeko aletxo bat jarriz!", adierazi dute. Online erosteko aukera ere badago.
Biharkoaz gain, eguenetan eta egubakoitzean Portaloian izango dira, 18:00etatik 20:00etara. Hala, herritarrek materiala ikusi, probatu eta erosteko aukera izango dute.
Bestalde, Online erosteko aukera ere badute, hemen. Salmentan dauden produktuak aukeratu daitezke eta behin eskaria eginda, AEDko lantaldea harremanetan jarriko da eroslearekin. "Bide batetik edo bestetik, zatoz eta jantzi euskara!", gaineratu dute elkartetik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.