Nabarmendu baitute lehen zazpi metrokoa zela maximoa, eta, ondorioz, tarterik estuenak "arriskutsuak" zirela. Hain justu, obrak errepidearen 926 metrotan egin dira eta lanak egin ahal izateko, ezkerraldeko mendi magalean lur-erauzketak egin dira; gainera, beharrezko lekuetan harri-lubetak ipini dira. "Horri esker, zazpi metroko plataforma eta metro bat baino gehiagoko bazterbidea lortu da".
GI-2639 errepidearen trazadura
Horrez gainera, Kanpanzar eta Elgeta arteko GI-2639 errepideko lanak aurten hastea aurreikusten dute. Trazadura hobetu nahi dute, eta bihurguneak leundu. Hiru hilabeteko iraupena izango dute lanek, eta espero dute urte amaierarako gauzatzea.
