Martitzenean San Andresko Maiatzaren Bata plazan egon ziren hautagai sozialistak, tartean, hainbat zerrendakide: Aritz Murua alkategaiaz gain, Johanna Sanchez, Matilde Martin eta Casimiro Roldan zerrendakideak ere han izan ziren. Blanca Roncal alderdikidearekin batera.
Datozen egunetarako ere hainbat ekitaldi dituzte aurreikusita. Bihar, egubakoitza, Arizmendiarrieta plazako azokan izango dira, 10:00etatik aurrera. Maiatzaren 23an, Santa Marinako Agerre plazan egingo dute ekitaldia, Miguel de los Toyosekin, 17:00etan. Azkenik, maiatzaren 26an, berriz ere Arizmendiarrieta plazako azokan izango dira, 10:00etatik aurrera, eta Eneko Andueza ere han izango da.
