Musakolako jaien egitarauaren barruan, kirolak ere izan du bere lekua aurten ere. Domeka goizean, Arrasate Eskubaloi taldeak antolatuta, 4x4ko eskubaloi txapelketa jokatu zuten. Hasiera batean, Musakolako Herri eskolan zegoen aurreikusita jokatzea, baina, eguraldi txarraren ondorioz, kiroldegira bideratu zuten.
Lehiaketak ikusmina piztu zuen gaztetxoen artean, LH 5 eta LH 6 mailako 150 jokalarik eman zutelako izena, 25 taldetan banatuta. Goizeko 10:00etan hasi eta eguerdiko 14:00ak arte aritu ziren, txapeldunak erabaki arte. LH6 mailako taldeetan Lau txarrak eta Los cachalotes taldeak izan ziren irabazleak. LH 5 eta 6 neska-mutiletan, berriz, Aramaio eta Izengabeak taldeak. LH 5 eta 6 nesken taldeetan, Superneskak eta 4 eskuak taldeak izan ziren garaileak. LH 5 mailako mutiletan, aldiz, Gegugoh eta Que mira bobo.
Goiz pasa ederra izan zuten gazteek musakolan, hemen txapelketako irudi batzuk: