Topaketa hori goizean izango da, baina arratsaldea ere bete-betea dator, 19:00etan, Monterron parkean, Arrasate Musikaleko bandak eta The Potes taldeak kontzertu bateratua eskainiko dutelako, Banana Shake taldeak irekiko duen ekitaldian. Jaialdi borobil hori Arrasate Musikaleko 50. urteurrenaren ospakizunen barnean dago.
Bestalde, musika eskolak gaur ireki du matrikulazioa epea, ekainak 22ra arte iraungo du eta izen emateak Monterron jauregian egin beharko dira astebarruko egunetan. Arrasate Musikaleko kideek ilusio handiaz begiratzen diote datorren ikasturteari, Juan Arzamendi Musika Etxean hasiko baitira eskolak ematen.
