Aurreko aldiko arrakasta ikusita, Mexikoko doinuez gozatzeko hitzordu bikoitza antolatu du Arrasateko merkatarien elkarteak maiatzaren 20rako. Eguerdian, Otalora Lizentziaduna kalean, Duo Imperial bikotea izango da protagonista, eta arratsaldean, Herriko Plazan, Los Tenampas taldeko Artuch familiako hiru musikari.
Datorren zapatuan Ibai-artek emanaldi bikoitza eskainiko die herritarrei. Lehenak eguerdiko bermuta girotuko du, Duo Imperialen askotariko estiloak lagun, 13.00etan, Otalora Lizentziaduna kalean, Txoko tabernaren parean. Bikotea Reynaldo Caballero kubatarrak eta Izaskun Goizueta nafarrak osatzen dute, eta garai guztietako musika jotzea dute gustuko.
19:00etan, berriz, akordeoiak eta ahots indartsuak entzun ahalko dira Herriko Plazan. Los Tenampas taldeko hiru kide, Artuch familiakoak, Mariachiko tronpeta eta guzti etorriko dira benetako mexikarrak eta rantxerak eskaintzera.
