Ohiko ekoizleez gain, loreekin eta ortuko landareekin etorriko da Zaldibiko Azanza mintegia eta lorategi zein ortu bertikalen tailer bat ere egingo dute. Goizeko hamarretan hasiko da, eta 943 25 20 00 telefono zenbakira deituta eman daiteke izena; baita izenemateak.arrasate.eus/es/ helbidean ere. Hogei parte-hartzailerentzat lekua dago, eta perrexil, piper, albaka eta tomate landareak oparituko dituzte.
Gainera, Arrasateko Udalak jakinarazi du autoa hartu eta azokan erosketak egiten dituztenek bi orduko doako egonaldia izango dutela Biteriko aparkalekuan, egunean bertan erabili dezaten. Era horretan, erosketak egitea erraztea du asmo, eta erakargarriagoa izatea. 09:00etatik 14:00etara bitartean egingo da azoka.