"Alderdi sozialistak azalpenak eman behar dizkigu oraindik duela urtebete eman zuen norabide aldaketaren gainean. Madrilgo parlamentuan alderdi politiko guztiek eskatu dizkiote Pedro Sanchezen gobernuari azalpenak. Behingoz, Sahararen inguruan duen posizioa argitzea eskatzen diogu PSOEri. Beti bi aldetara jokatu dute sozialistek. Maiatzaren 20an gure borrokak 50 urte beteko ditu, eta ez dugu Sahara aske bat lortzearen helburuari uko egingo", azaldu du Saharaldeba elkarteko Saleh Salekek.