Lehen etapa zapatuan izan zen, Laudion, 2,3 kilometroko kronoigoera eta Plazak ezarri zuen denborarik onena. Bigarren etapa, berriz, Legution korritu zuten, eta esprintean hirugarren sailkatu zen arrasatearra, bezperako tarteak baliatuta, Arabako Itzulia poltsikoratuz. "Bigarren etapan ere, momentu gogorrenetan, indartsuena izan dela ondo erakutsi du", azaldu dute Lokatza taldeko zuzendariek.
Kadete mailan, bestalde Igamo Packaging taldeko Itxaso Askasibar eta Izar Ezkibel aritu dira. "Askasibar lehen hamarretatik gertu izan da eta Ezkibelek, berriz, lehen urteko kadetea izanik, lehen hogei ziklisten artean amaitzea lortu du".