Beste urte batzuetan moduan Anporreta inguruan egin dituzte txirrindulariek lehenengo kilometroak, baina oraingoan, Institutu atzetik igo beharrean hilerritik gora joan dira. Hain zuzen, Musakolako kiroldegi atzetik sartu dira ostera ere bizikleta zaleak auzora, eta 10 kilometro horietan lehenengo berotua hartu ostean Etxezarretarako bidea hartu dute denek, handik Kortaburura igotzeko (15. kilometroa). Bigarren itzuli horren ondoren Zubillagara jaitsi, eta Urkulura iritsi aurretik Gorordo gaina gainditu behar izan dute (26.km) eta azkeneko tramua Kurtzetxiki inguruetan zuten zain, azken jaitsiera teknikoei aurre egin eta Ziorlako balkoitik helmugara iristeko. Ibilbide luzea aukeratu dutenek 40 kilometro inguru egin dituzte, eta 1.500 metro inguru.
Bada, Musakolako martxako 14. edizioan gozatua hartu dute ziklistek.
