Jardunaldiaren helburua izango da ekonomia digitalaren moduak aztertzea, besteak beste, lanari, kontsumoari eta ingurumenari dagokienez, eta horiek Gipuzkoako udalerrietan eta nazioartean duten eragina baloratzea. Jardunaldia gidatuko dutenak, berriz, honako hauek izango dira: Adoración Guamán, Valentziako Unibertsitateko lanaren zuzenbideko irakaslea eta María Carola Iñíguez nazioarteko harremanetan eta eskubide sozialetan aditua.
Adoración Guaman Rafael Correa Ekuadorko presidente ohiaren aholkularia izan zen. "Lan-eskubideen azterketan aditua denez, ekonomia digitalak esklabotza modernotik, balio-kate globaletatik eta Giza Eskubideetan Arreta Egokiaren mekanismoetatik duen eraginaren ikuspuntua emango du Guamanek", azaldu dute antolatzaileek.
Bestalde, María Carola Iñíguezek, Adolfo Pérez Esquivelen aholkularia izan zenak, kudeaketan eta nazioarteko harremanetan aditu gisa duen esperientzia eskainiko du.
