Ekain amaierara arte ez dute itxiko San Andres kalea

Leku Eder SA enpresa 49 etxebizitza eraikitzen ari da San Andres auzoan, Uribesalgo fabrika zaharra zegoen esparruan eta eremua urbanizatzen ari da etxebizitzak eraikitzen diren bitartean. "Ondorioz, maiatzaren 2tik uztailaren 28ra San Andres kalean oinezkoen zirkulazioa etetea aurreikusita zegoen", dio Udalak. "Eskola garaian obra honek dakarren arazoak direla medio, Udalak eraikuntza-enpresarekin adostu du urbanizazio-obraren denborak berregokitzea eta, ondorioz, ekainaren amaieran hastea lanak, ikasturtea amaitu ondoren".