IKTko profesionalez osaturiko mahai-inguru bat ezagutzeko aukera izan dute presentzialki zein online jardunaldira gerturatu eta konektatu diren ikasleek. Mahai-inguruan, Onenpro enpresatik Esti Iturbe, HUEZItik Ainara Bilbao, MGEPtik Leire Etxeberria, Roganet enpresatik Gorka Lezeta eta MVEtik Diego Andres izan ziren, beraien ibilbide akademiko zein profesionala, erronkak eta IKTen esparruko genero ezberdintasunak mahaigaineratu zituzten eta sektore hontan emakumeen beharra dagoela aldarrikatu. Ikasturtean zehar egiten dituzten beste jardunaldi batzuek bezala, honek ere egungo eta etorkizuneko garapenean beharrezkoak diren profesional zientifiko teknologikoak gizartearengana gerturatu eta egiten duten lanaren balioa erakutsi gura izan du, bereziki, emakumeek ibilbide profesional hontatik abiatzeko dituzten oztopo eta gatazkak gainditu eta ekiditzen laguntzeko.
