Goiz partean, 11:00etatik 12:00etara bitartean, Eibarko Ipar Surf&Skate eskolako kideak izango dira 6 urtetik gorako haurrei skate mundua ezagutzera ematen; parte hartzeko, kaskoa derrigorrez eraman beharko da. 12:00etatik 14:00etara, ostera, haurrentzako jokoak, erakustaldiak, skate librea eta lasterketak egongo dira. Eguerdi aldera, skate librea egongo da nahi duenarentzat eta jatekoa banatuko dute.
Arratsaldean, skate-ko profesionalek erakustaldia emango dute: Ian Campbell, Larrun Barrenetxea, Jon Mikel Lopez, Pau Dominguez, Julen Arizmendi eta Sebas izango dira adituak. Azkenik, ekitaldia amaitzeko, egunean zehar parte hartu dutenen artean sariak banatuko dituzte.
Parte hartzeko aldez aurretik izena eman behar da; horretarako honako telefono zenbakira deitu: 679 51 35 92.
![](https://goiena.tok-md.com/argazkiak/JdU/cache/Captura_de_Pantalla_2023-04-27_a_las_13.38.01_tokikom_700x700.png)