Antzerkian, zineman eta telebistan ikusi ohi izan dugu Silvia Marso orain arte. Kasu honetan, musika arloan murgildu da, eta ez du erronka txikia aukeratu. Atzo izan zen Arrasateko Amaia antzokian Del Toro Blues Band taldearekin batera Blues & Roots ikuskizunarekin.
Mississippi ibaiaren ertzean kokatzen den bluesaren sorreratik hasita, Manhattango Harlemgo eztandara bidaia egin zuten, jazz eta country abestiak ere jorratuz. Nina Simone bera ere gogora ekarriko zuten.
Ozenki elkarteak Ibai-arte merkatari elkartearen eta Arrasateko Udalaren laguntzarekin ekarritako ikuskizuna izan da.
