Loixe taldeak zeramika ikastaroak antolatu ditu udaberrirako eta udarako, bi mailatan banatuta: hastapen maila eta trebatze maila. Antolatzaileek azaldu dutenez, ikastaroek balioko dute zeramika prozesuak ezagutzeko zerotik hasita edo prozesu horietan sakontzeko. "Teknika eta akabera desberdinak landuta, partaide bakoitzak sortuko ditu hainbat pieza bere proiektu propioari jarraituta", gaineratu dute.
Honako hauek izango dira mailak, eskola egunak eta ordutegiak:
- A Taldea (Hastapena) Astelehenak eta eguaztenak. 16:00-18:00.
- B Taldea (Trebatzea) Astelehenak eta eguaztenak. 19:00-21:00.
- C Taldea (Trebatzea) Martitzenak eta eguenak. 16:00-18:00.
- D Taldea (Hastapena) Martitzenak eta eguenak. 19:00-21:00.
Udaberriko ikastaroaz gain, uztailaren 3tik 13ra ikastaro trinkoa egingo dute, hastapen mailakoa. Hori astelehenetik eguenera izango da, 10:00etatik 12:00etara.
Informazio gehiago jasotzeko edo izena emateko, deitu edo idatzi zenbaki honetara: 685 79 61 27.
