32. urteurreneko ospakizunak egingo ditu AGAKOk asteburuan, Kokoteraño lemapean. Egubakoitzean, bertso afari autogestionatua egingo dute, 21:00etan gaztetxean. Peru Abarrategi, Saioa Alkaiza, Aitor Bizkarra eta Sarai Robles ariko dira bertsotan, Olatz Zuazubiskarrek jarritako gaiei erantzunez.
Zapatuan, bestalde, AGAKO Eguna egingo dute. Hasteko, 12:00etan, Berlingo okupazio mugimenduaz hitzaldia egingo du Dirk Morenweiserrek (gaztelereaz). Ondoren, 14:30ean, herri bazkaria izango da eta tiketak salgai daude Osorik eta Iluntz tabernetan, zazpi eurotan. 19:00etan, Broken Brothers Bass Band kalez kale ariko da, Taupatik hasita. Azkenik, 23:00etan, Zaunka eta Occhi di Farfalla taldeen kontzertuez gozatzeko aukera egongo da.
Domekan, apirilak 23, garbiketa kolektiboa egingo dute, 18:00etan hasita, Herriak zikindu, herriak garbitu lemapean. Azkenik, apirilaren 28an, hileko azken ostiralarekin batera, mobilizazioa izango da 19:30ean, Euskal preso, iheslari eta deportatuak gaztetxera! lemapean.
