Federico Garcia Lorcaren poesiatik, bluesetik eta musika beltzaren kulturatik igarotzen den kontzertu antzeztua da Blues & Roots. Bertan, Silvia Marso aktore ezagunak musikan debuta egingo du, Del Toro Blues Band taldearekin batera.
Bluesari errepasoa
Antzezlanak musika ibilbide batean murgilduko ditu ikus-entzuleak, Mississippi ibaiaren ertzean dagoen bluesaren sorreratik hasi eta Manhattanen eztanda handia gertatu arte. Ikusleak 1929ko Harlemera iritsiko dira, non Harlem Renaissance musika mugimendua sortu zen. Besteak beste, Nobody knows you, Route 66 eta Summertime abesti ezagunek osatzen dute errepertorioa.
Madrilen bira egin ondoren, antzerki ikuskizun musikal hau Arrasaten izango da apirilaren 23an, domeka, 19:00etan.
